<p>Ҳомиладорлик ва туғиш таътили тугаганидан кейин, аёлнинг хоҳишига кўра, унга боласи икки ёшга тўлгунига қадар болани парваришлаш таътили берилиб, бу давр учун Ўзбекистон Республикаси Вазирлар Маҳкамаси томонидан белгиланадиган тартибда нафақа тўланади.</p> <p>Аёлга унинг хоҳишига кўра, боласи уч ёшга тўлгунига қадар уни парваришлаш учун иш ҳақи сақланмаган ҳолда қўшимча таътил ҳам берилади.</p> <p>Болани парваришлаш таътилига чиқиш учун ходим томонидан ариза ёзилади. Ариза белгиланган талабларга мувофиқ бўлиш лозим.</p> <p>Фойдаланувчиларга қулайлик яратиш мақсадида мазкур ариза намунаси тайёрланди.</p> <p>намунадаги сўровномалар аниқ, равон ва турлича талқин қилинмайдиган сўзлардан фойдаланган ҳолда тўлдирилиши, келгусида низолар ва тушунмовчиликлар келиб чиқишининг олдини олади.</p>